Արցախի հզոր կանայք
![](http://d2r8ik3tdu68jx.cloudfront.net/bZlXRCoBkqaZT9mRB4e5IeK3F8ABzNvsYNqGr3CkaPM/rs:fill:470:470:1/format:jpg/plain/https%3A%2F%2Faf-production.s3.amazonaws.com%2Fphotos%2Fimages%2F252951%2Foriginal%2F122357142_10157491865176479_2022968083444342619_n.jpg)
![](http://d2r8ik3tdu68jx.cloudfront.net/oCr_9DtFj92bPHnYMb0B0kN2IjCUj6d11JJ3W3hLTuw/rs:fill:470:235:1/format:jpg/plain/https%3A%2F%2Faf-production.s3.amazonaws.com%2Fphotos%2Fimages%2F252952%2Foriginal%2F123503461_10157519848106479_9140714509079140152_n.jpg)
![](http://d2r8ik3tdu68jx.cloudfront.net/m5qm-utfzAcF-vpAK5qGejuPIU-fgAan493KJ7Fu6Qw/rs:fill:235:235:1/format:jpg/plain/https%3A%2F%2Faf-production.s3.amazonaws.com%2Fphotos%2Fimages%2F252953%2Foriginal%2F125956953_3220175808092178_2772340579848343506_n.jpg)
![](http://d2r8ik3tdu68jx.cloudfront.net/KlldGOL5_Ns848WkWM8oVD0_nAbfwzIlOA4H3WtVH5c/rs:fill:235:235:1/format:jpg/plain/https%3A%2F%2Faf-production.s3.amazonaws.com%2Fphotos%2Fimages%2F252954%2Foriginal%2F125963726_2729391490642927_1258079149539746333_n.jpg)
Արցախյան պատերազմի առաջին իսկ օրերից ցավոք մենք ունեցանք տեղահանված Արցախյան մայրեր, մանուկներ, տատիկներ և պապիկներ, մինչ բոլորս զբաղված էինք նրանց տեղավորելու հարցերով նրանց ու մեր ամուսինները, հայրերն ու որդիները կռվում էին սահմանին: Ինչպես մեկ բռունցք մենք սկսեցինք թիկունքում ինքնակազմակերպվել և կանանցով ստեղծեցինք ցանց ու գուլպա գործողների մեծ բանակ: Այս գործը ծավալվեց և ցանց ու գուլպայից վերածվեց վաճառքի գնացող սվիտերների ու այլ տարատեսակ հագուստների: Այս ընթացքում այդ սվիտերները արդեն սկսել ենք վաճառել օնլայն հարթակներում և եկած գումարը ներդնում ենք նոր թելեր գնելու և նոր արտադրանք ստեղծելու մեջ: Կանանց խումբը օրօրի ավելանում է և համալրվում է թե Հայաստանաբնակ թե տեղահանված գործողներով: Այս ապրանքների վաճառքից մենք կկարողանանք ընդլայնել մեր գործը, համալրել նոր աշխատատեղերով, կգնենք նոր թելեր և շյուղեր, կգործենք մեր ազգային նախշերով սվիտերներ, որոնք վաճառվելու են թե խանութներում, թե օնլայն հարթակներում: Այս նախագծի կարևորությունը այն է, որ կանայք շարունակում են մնալ համախմբված, կռվել թիկունքում, չեն հանձնվում, ունեն գործ, հավատ և հույս վաղվա ավելի լուսավոր լինելու համար: Կանանցից շատերը նոր են միանում և սկսում զրոյից սովորել գործել և դա այն կարևոր օգնությունն է նրանց համար, որ կարողանան դուրս գալ դեպրեսիվ հոգեվիճակից, հաղթահարել կուրուստի ցավը, առաջ շարժվել, ստեղծել նորը, գուցե այդ պահին միայն սվիտեր են ստեղծում, սակայն այդ սվիտերն է, որ նրանց համար հիմք է դառնում նորը կառուցելու համար, օրեր առաջ կորցրած, սեփական ձեռքով վառած տան ու այգու փոխարեն: Նրանք բոլորովին տարբեր ոլորտներից են, տարբեր մասնագիտություններով, անգամ տարբեր կացարաններից, նրանց միավորում է մեկ բան համընդհանուր կորուստի ցավը, կորցրած տունը ու ընտանիքի զավակը և դեպի լուսավոր ապագա ամբողջ թափով շարժվելու հավատքը: Նրանք հզոր են և պատրաստ են նորը կառուցելու և մենք նրանց հետ միասին պատրաստվում ենք կառուցել այդ նորը, որ ունեն իրենց մտքում և հավատքի մեջ, նրանց հետ հավասար մեկ բռունց դարձած պայքարելու ենք, որպիսի նրանք այստեղ կարողանան ստեղծել նոր տուն, ծնեն զավակներ և մի նոր թափով առաջ շարժվեն: