Փրկելը հիասքանչ է
![](http://d2r8ik3tdu68jx.cloudfront.net/N4Q-hZML7CRuz-LVDMIThMMZ3R40asGFaJKZB0jdfSw/rs:fill:470:470:1/format:jpg/plain/https%3A%2F%2Faf-production.s3.amazonaws.com%2Fphotos%2Fimages%2F199155%2Foriginal%2F72399228_2722631651103323_6107582376974483456_o.jpg)
![](http://d2r8ik3tdu68jx.cloudfront.net/geVg2w-lo7fK_5OgwhHpVWsgbv3H-qDo2iFqt94abG8/rs:fill:470:470:1/format:jpg/plain/https%3A%2F%2Faf-production.s3.amazonaws.com%2Fphotos%2Fimages%2F199156%2Foriginal%2F71374405_2907842225947994_3376171347825655808_o.jpg)
Դինգո Թիմը ավելի քան 12 տարի է, ինչ զբաղվում է անտուն կենդանիների փրկության և որդեգրման հարցերով: Այն փրկել և տնավորել է հազարավոր կենդանիներ, որոնք փրկվել են մահից և մարդկային դաժան վերաբերմունքից: Ամեն փրկությունն իր պատմությունն ունի, ամեն փրկություն յուրովի հուզիչ է:
Կենդանիների նկատմամբ դրական վերաբերմունքի մշակույթի զարգացման հարցում չափազանց շատ կարևորելով ապագա սերունդների ճիշտ դաստիարակությունը՝ Դինգո Թիմն իր «Փրկելը Հիասքանչ է» նախագծով նպատակ ունի փրկության պատմություններից մեկը դարձնել հեքիաթի գիրք:
Դրա շնորհիվ երեխաների համար դեռ փոքր տարիքից անտուն կենդանիների փրկությունն ու որդեգրումը կդառնա անգիտակցական մակարդակով նորմալ ու սովորական երևույթ, չէ որ ի՞նչն է երեխաների վրա ավելի լավ ազդում, քան հեքիաթը:
Այս հեքիաթը, որը կդառնա կրթական նոր նախագծի առաջին քայլը, փոքրիկ Ջինայի պատմությունն է, ում մի բարի մարդ փրկում է խեղդվելուց, տանում տուն և նա դառնում է գեղեցիկ ընտանիքի մի երջանիկ անդամ:
Հեքիաթի հեղինակը Դավիթ Մակիչյանն է, նկարչուհին՝ Գոհար Սարգսյանը: