За Нас

Մենք "Awesome" միջազգային հիմնադրամի արցախյան մասնաճյուղն ենք: Անկախ մարդկանց մի խումբ, որը նպատակ ունի մեր իրականությունը փոքր ինչ ավելի հիանալի («օսմ») դարձնել իր նախաձեռնություններով:

Առանց ավելորդ գլխացավանքի և թղթաբանության՝ յուրաքանչյուր երկու ամիսը մեկ մենք $1000-ին համարժեք դրամաշնորհ ենք տրամադրում տվյալ երկամսյակի հաղթող նախագծին։ Մեր միակ ակնկալիքն է նախագծի բարեխիղճ իրականացումը:

ՉԱՓՈՐՈՇԻՉՆԵՐԸ ԵՒ ԱԿՆԿԱԼԻՔՆԵՐԸ

Նախագծերը պետք է համապատասխանեն հետևյալ չափորոշիչներին՝

• Իրագործվեն Արցախի տարածքում.

• Լինեն նոր նախագծեր, ոչ թե արդեն գոյություն ունեցող նախագծերի շարունակություն.

• Իրագործվեն առավելագույնը 2 ամսվա ընթացքում.

• Լինեն իրատեսական, ցանկալի է՝ նաև զիլ ու ստեղծագործական.

• Ապահովեն կոնկրետ արդյունք.

• Իրականացվեն կամավորության սկզբունքով.

• $1000 դրամաշնորհը պետք է ծածկի իրականացման ծախսերն ամբողջությամբ՝ բացառելով որևէ աշխատավարձ:

Մենք սիրում և ակնկալում ենք՝

1. Նորարարական, հետաքրքիր և արտասովոր գաղափարներ, որոնք միավորող են և դրական ազդեցություն ունեն.

2. Գաղափարներ, որոնք հեռուն գնալու ներուժ ունեն.

3. Նախագծեր, որտեղ դրամաշնորհը կարող է խթան հանդիսանալ սկսելու մի նոր՝ ավելի մեծ նախագիծ։

ՏԵԽՆԻԿԱԿԱՆ ՄԱՆՐԱՄԱՍՆԵՐԸ

Հայտերը կարող են լինել թե՛ անհատական և թե՛ խմբային: Դիմումները կարող են լրացվել կա՛մ հայերենով, կա՛մ անգլերենով: Դիմումների ընդունման վերջնաժամկետը յուրաքանչյուր կենտ ամսվա (հունվար, մարտ, մայիս, հուլիս, սեպտեմբեր, նոյեմբեր) վերջին օրն է:

Եզրափակիչ փուլ անցած մասնակիցներին մենք հրավիրում ենք մեզ հետ ծանոթանալու և անձամբ ներկայացնելու իրենց նախագծերը: Հաղթողը հայտարարվում է տեղում:

Հարցերի դեպքում գրել կա՛մ Awesome.Artsakh@gmail.com էլհասցեին, կա՛մ մեր ֆեյսբուքյան էջին՝ https://www.facebook.com/Awesome.Artsakh/