Ապրեցնող արվեստ
![](http://d2r8ik3tdu68jx.cloudfront.net/VbCGpDBBLiqLqBbSsWZXWdfujmXT6KuFGDxT4yqJY64/rs:fill:940:470:1/format:jpg/plain/https%3A%2F%2Faf-production.s3.amazonaws.com%2Fphotos%2Fimages%2F292585%2Foriginal%2F224959748_4566378063456748_5530221791218021578_n.jpg)
Հայաստանի երեխաների առողջության հիմնադրամի (HFC Armenia) նախաձեռնությամբ ժամանակակից 5 արվեստագետ (նկարիչ, գրաֆիկա, քանդակ) մեկ ամիս շարունակ coworking արվեստանոցում աշխատելու են կյանքի համար պայքարող կամ արդեն ապաքինված երեխաների հետ միասին՝ ստեղծելու արվեստի գործեր:
Ծրագրի մեջ ներգավվելու են կյանքին վտանգ սպառնացող հիվանդություններ ունեցող կամ արդեն ապաքինված 6-15 տարեկան երեխաներ, որոնք ունեն արվեստի նկատմամբ հետաքրքրություն և ցանկություն մասնակցելու նման ծրագրի:
Արվեստագետների ու երեխաների մեկամսյա համատեղ աշխատանքի արդյունքում ստեղծված գործերը կներկայացվեն ինքնատիպ ցուցահանդեսում: Արվեստի գործերի վաճառքից ստացված հասույթը HFC Armenia հիմնադրամի միջոցով կուղղվի կյանքի համար պայքարող երեխաների բուժմանը: