Գունեղ ճանապարհ/ Colorful Road

Ասում են Իջևանը կանաչ, գարուն քաղաք է՝ քաղաքի կենտրոնական փողոցը եզրավորած բազմաթիվ եղևնիների շնորհիվ: Բայց չէ որ, քաղաքի մյուս հատվածներում կան տխուր, մռայլ փողոցներ՝ անտեսված մարդկանց կողմից։ "Գունեղ ճանապարհ" ծրագրի նպատակն էլ հենց այդպիսի փողոցներից մեկին նոր կյանք հաղորդելն է։ Ծրագրի կազմակերպիչները նախատեսում են Իջևան քաղաքի՝ մարզպետարանից մինչև Սուրբ Ամենափրկիչ եկեղեցի ձգվող սալաքարե ճանապահին գարնան շունչ տալ ՝ տարբեր գույներով ներկելով ամեն մի սալաքարը:

Մի մեծ թաղամասի բնակիչներ ամեն օր այդ ճանապարհով են անցնում։ Պատկերացնու՞մ եք, թե ինչպես կբարձրանա անցորդների տրամադրությունը, երբ տեսնեն իրենց ամենօրյա ճանապարհն արդեն նոր, վառ գուներով։ Նույնիսկ մռայլ եղանակներին, ինչը Իջևանում հաճախ է լինում, այդ վառ գույները կանեն իրենց գործը՝ վերածելով մռայլ միջավայրը գունեղ մի հեքիաթի։

Грант предоставил Yerevan (March 2019)